Presidenti i ri i SHBA Donald Trump nënshkroi grupin e parë të urdhrave ekzekutivë në fund të ceremonisë së tij të betimit në Sallën Sportive Capital One në Uashington, përpara se të dërgohej në Shtëpinë e Bardhë për nënshkrime të mëtejshme.
Mbështetësit e Donald Trump që sulmuan Kapitolin e SHBA-së katër vjet më parë do të fillojnë të dalin nga burgu të martën, pasi presidenti i zgjedhur nënshkroi faljen e 1500 të burgosurve.
Falja e 1500 të dënuarve e nënshkruar nga presidenti republikan të hënën, ditën e inaugurimit të tij, zemëroi ligjvënësit që u kërcënuan nga sulmi i 6 janarit 2021, kur mijëra mbështetës të Trump sulmuan Kapitolin në një përpjekje të dështuar për të penguar Kongresin të konfirmonte humbjen e tij në zgjedhjet presidenciale të 2020 kundër Joe Biden.
“Donald Trump po fut në një epokë të artë për njerëzit që shkelin ligjin dhe përpiqen të përmbysin qeverinë,” tha udhëheqësi demokrat i Senatit Chuck Schumer , duke i bërë jehonë fjalimit inaugurues të Trump për fillimin e një epoke të artë për Amerikën.
