Ditëve të fundit është bërë temë në Mitrovicë çështja e rregullimit të një hapësire në qendër të qytetit, e cila është tokë komunale, por i ishte dhënë në shfrytëzim kompanisë “Tropik” për ndërtimin e një parkingu nëntokësor.
Sipas, kontratës së nënshkruar nga Komuna e Mitrovicës me këtë kompani në vitin 2017, pjesa mbi parking ishte dashur të rregullohet si pjesë gjelbëruese dhe kënd i lojërave për fëmijë.
E vërteta është se kjo kontratë nga “Tropik” nuk ishte zbatuar as gjatë qeverisjes së AKR-së (2017-2019) kur është nënshkruar, e as gjatë qeverisjes së VV-së (2019-2021).
Përkundër që më 2021 në komunë ishte ndërruar pushteti, kontratë nuk ishte zbatuar as gjatë asa qeverisjes.
Në fakt, kontrata ka nisur të zbatohet vetëm tash sa i përket pjesës gjelbëruese, por nuk është njoftuar akoma a do të ndërtohet edhe këndi i lojërave.
Për mos zbatimin e kësaj kontrate për rregullimin e hapësirave gjelbëruese dhe këndit të lojërave, Veriu.info kishte raportuar më 2024 në një artikull të gjerë me dokumente zyrtare.
Por që as pushteti e as opozita nuk kishin bërë një hap tutje për këtë pronë komunale, pas raportimit të Veriu.info.
Lexoni artikullin e vitit 2024:
