Komandanti i Brigadës së Zjarrfikësve në Mitrovicë, Burim Ibishi, ka dhënë detaje rreth situatës së krijuar nga vërshimet në qytet. Sipas tij, gjendja për momentin paraqitet e qëndrueshme, megjithatë mbetet shqetësimi për orët në vijim, pasi ekziston rreziku që lumi Lushta të dalë nga shtrati gjatë natës.
Reshjet intensive kanë prekur disa zona, ku në lagjen “Bair” është ndërhyrë për evakuimin e pesë familjeve, ndërsa probleme janë raportuar edhe në lagjen Vaganicë.
Ibishi ka theksuar se kapacitetet aktuale të personelit zjarrfikës janë të pamjaftueshme për të përballuar situatën, por ka konfirmuar se mbështetje operacionale është ofruar nga Agjencia për Menaxhimin e Emergjencave.
“Ka një rrezik që mund të dalë nga shtrati lumi ‘Lushta’”, tha Ibishi për “Debat Plus”
