Gazetari i hulumtues në sektorin e Shëndetësi, Bujar Vitija ka reaguar pas vdekjes e foshnjës në Spitalin e Pejës. Ai ka thënë se gjithsecili prind ka të drejtë të dyshojë kur e dinë që punëtoret e që ishin suspenduar për futjen e foshnjës në Lavatriçe janë rikthyer në punë.
“Secilit prind që i vdes foshnja që ketë spital, mundet me i pas dyshimet e njëjta”.
Më tej, gazetari hulumtues ka treguar se menaxherët e Spitali të Pejës sipas tij afërt me partinë në pushtet.
“Ky është imazhi i këtij institucioni pas skandalit me foshnjën ne rrobalarëse. Menaxherët e spitalit të afërt me partinë në pushtet u kursyen, ndërsa para disa ditësh u kthyen në punë punëtoret që dyshohet se e vendosen trupin e foshnjës në lavatriçe”, ka shkruar Vitija në rrjetin e tij social në Facebook
Vitja ka përfunduar duke thënë se “Qysh mos më dyshu prindi”.
Zëdhënësi i Policisë së Kosovës për rajonin e Pejës, Driton Rugova, për Portalin Dukagjini ka thënë se dyshohet se në Spitalin e Pejës një foshnjë ka lindur e vdekur.
Ndërsa sipas tij, prindi i foshnjës i ka fajësuar stafin mjekësor dhe me urdhër të prokurorit trupi i foshnjës është dërguar për obduksion për hetim të mëtutjeshme.
“Rr. Nënë Tereza, Pejë 08.03.2023 – 17:00. Ankuesi mashkull kosovar ka informuar se në Spitalin e Pejës gjatë lindjes, foshnja ka vdekur dhe sipas ankuesit (babai) dyshon që ka qenë neglizhencë e stafit mjekësor”.
“Me vendim të prokurorit trupi i pajetë i foshnjës është dërguar në IML për obduksion”, ka njoftuar Policia e Kosovës.
