Gjatë ditës së sotme për nderë të festës së Pavarësisë së Kosovës, komuna e Vushtrrisë ka organizuar Akademinë Solemne, e cila u mbajt në Qendrën e Kulturës “Hasan Prishtina”, shkruan Veriu.info.
Kjo akademi u organizuar nën patronazhin e kryetarit të Vushtrrisë, Ferit Idrizit. ku morën pjesë shumë qytetarë vushtrrias, përfaqësues institucionesh, familjarë të Dëshmorëve të Kombit, veteranë e invalidë të UÇK-së nga Vushtrria.
Përveç fjalimit të të parit të Vushtrrisë, nga AKV “Hasan Prishtina”, për të pranishmit u shfaq edhe një program i begatshëm kulturo-artistik me këngë dhe valle.
Kryetari Idrizi i falënderoi të pranishmit duke i uruar për këtë ditë të madhe./Veriu.info
Postimi i kryetarit Ferit Idrizi:
AKADEMIA SOLEMNE PËR DITËN E PAVARËSISË
Qytetarë të shumtë, përfaqësues institucionesh, familjarë të Dëshmorëve të Kombit, veteranë e invalidë të UÇK-së nga Vushtrria, morën pjesë sot në Akademinë Solemne, e cila u mbajt në Qendrën e Kulturës “Hasan Prishtina”, për nder të festës së madhe të Pavarësisë së Republikës së Kosovës.
Të pranishmit dhe të gjithë qytetarët i urova për ditën e Pavarësisë dhe i falënderova për pjesmarrjen në këtë akademi solemne. Gjithashtu, për të pranishmit u shfaq një program i begatshëm kulturo-artistik me këngë dhe valle.
Gëzuar Dita e Pavarësisë!
