Kryeqyteti i Kosovës do të bëhet me një nga projektet më transformuese në sektorin e patundshmërive komerciale. I zhvilluar nga kompania me përvojë mbi 25-vjeçare, BP Home Investment, projekti World Link Towers përfaqëson një destinacion premium tregtar që synon ta shndërrojë Prishtinën në një nyje kyçe të lidhur me tregjet ndërkombëtare.
Me një sipërfaqe të përgjithshme prej mbi 65,000 m², dy kullat ikonike — Alpha Tower dhe Omega Tower — janë projektuar për të ofruar mjedise moderne pune, fleksibilitet dhe standarde të larta infrastrukturore për ndërmarrjet me ambicie globale.
Përmes një postimi në Facebook, drejtori i kompanisë, Mentor Pllana, ka shpalosur vizionin pas këtij kompleksi, duke theksuar se World Link Towers shkon përtej nocionit të zyrave të zakonshme.
Sipas tij, projekti është konceptuar si një ekosistem i integruar ku kompanitë, investitorët dhe operatorët e ndryshëm bashkëpunojnë për të krijuar vlerë afatgjatë. Me një vendndodhje strategjike që lidh qendrën e qytetit me korridorin e Aeroportit Ndërkombëtar të Prishtinës, kompleksit i është dhënë një përparësi e lartë sa i përket dukshmërisë komerciale dhe qasjes ditore.
Për kompanitë e teknologjisë dhe inovacionit, World Link Towers ofron kushte lehtësuese për sigurimin e selive të tyre apo zyrave rajonale. Kompanitë mund të bëhen pronare të hapësirave të tyre vetëm me 10% depozitë fillestare, ndërsa deri në 90% e shumës mbulohet përmes financimit bankar pa nevojë për kolateral shtesë.
Përveç hapësirave të punës, projekti paraqet një platformë për investitorët në patundshmëri komerciale. BP Home Investment synon që përmes këtij zhvillimi të ofrojë një rritje vjetore të vlerës së pronës deri në 20%, me një potencial për dyfishimin e kapitalit të investuar brenda një periudhe pesëvjeçare.
World Link Towers po hap dyert edhe për partnerë dhe operatorë që synojnë të zhvillojnë shërbime shoqëruese brenda kompleksit.
Me përfundimin e tij, World Link Towers pritet të mbetet një pikë referimi në arkitekturën bashkëkohore të Prishtinës dhe një motor i ri zhvillimi ekonomik për vendin.
Të gjithë të interesuarit për blerje, investim apo partneritet operativ mund të gjejnë detaje shtesë në uebfaqen zyrtare www.worldlinktowers.com apo të kontaktojnë drejtpërdrejt drejtuesit e projektit për të siguruar hapësirën e tyre në këtë adresë të re të biznesit.
