Boksieri kosovar, Labinot Xhoxhaj, e ka mbrojtur titullin e kamponit evropian në EBU.
Xhoxhaj e ka ‘rrahur’ suedezin Pezhman Seifkhani, në duelin e zhvilluar Lahr të Gjermanisë.
Boksieri ynë bëri paraqitje të mirë qysh nga rundi i parë, duke i dhënë disa goditje të fuqishme suedezit të cilin e nokautoi në rundin e katërt, shkruan rtk.
Kjo fitore i hap rrugën Xhoxhajt që të luftojë për titullin e kampionit të botës.
Labinot Xhoxhaj hyri në këtë meç me një bilanc mbresëlënës prej 21 fitoreve dhe vetëm 1 humbjeje, duke u renditur i 35-ti në ranglistë. E tash, boksieri ynë ka regjistruar edhe fitoren e 22-të.
Në anën tjetër, sfiduesi Pezhman Seifkhani nga Suedia, që njihet me nofkën “KingKong”, hyri në këtë meç me një rekord prej 17 fitoreve dhe 1 humbjeje, dhe renditet i 111-ti. Ndërkaq, tash ka dy humbje.
