Zëvendësministri i Mbrojtjes, Shemsi Syla, i ftuar sot në TËVË1 për të diskutuar problemet me ushqimin e Forcës së Sigurisë së Kosovës, tha se “ushqimi është në rregull” dhe “cilësor”, ndërsa akuzoi mediat dhe opozitën se po “zmadhojnë këtë punë”.
“Për momentin ushtarët janë duke u ushqyer, ushqimi është në rregull, cilësor, ka mjaftë por që mediat dhe opozita po e bëjnë të madhe këtë punë. Është kohë fushate dhe nuk është mirë të luhet…”, tha ai.
I pyetur për racionet e vogla dhe aspak cilësore që kanë qarkulluar në rrjetet sociale ditëve të fundit, Syla insistoi se “gjithçka është në rregull me ushqimin.”
“Ne për sa kemi mundur ta përcjellim, është në rregull dhe nuk mungon ushqimi që i takon ushtarit. Normal që është vështirësi kemi, edhe në shtëpinë tonë por megjithatë ushqimi është në rregull, i mjaftueshëm dhe cilësor por ne jemi duke vazhduar ta fuqizojmë dhe të bëjmë më shumë”, tha Syla.
