Kosova po shënon 24 vjetorin e Epopesë së UÇK-së, ku familja Jashari u flijua si e tërë për lirinë e Kosovës.
Kryetari i Lëvizjes për Bashkim, dhe ish ushtar i UÇK-së, Valon Murati, ka përkujtuar këtë datë historike duke thënë se ne lirisë universale ia kemi dhënë Adem Jasharin, raporton Gazeta Online Veriu.info.
Postimi i plotë i Muratit:
Ne lirisë universale ia kemi dhënë Adem Jasharin…
Ne shqiptarët nuk i kemi dhënë botës ndonjë koncept filozofik mbi lirinë. Ama i kemi dhënë Adem Jasharin, simbolin më praktik të lirisë si vlerë universale dhe atë në fund të shekullit 20. Ne botës i kemi dhënë brumin për të vazhduar ajo të ndërtojë konceptet filozofike mbi lirinë. Dhe për këtë duhet të jemi krenar dhe të mos i kemi askujt lakmi. Por njëkohësisht vetë duhet të nderojmë veten, dhe mbi të gjitha ata që kurrë nuk u dorëzuan, edhe kur ishin pak e vetëm. Ata mbajtën gjallë pishtarin e lirisë, dhe ngadal shtruan rrugën që në karavanin e çlirimit të bashkohej i tërë populli. Lavdi Adem Jasharit dhe familjes së tij. Lavdi luftës së paprerë të popullit shqiptar për liri. Lavdi nam-madhes UÇK.
