Një rast i rëndë me armë zjarri ka ndodhur të shtunën në rrugën “Mehmet Aqif Aksoy” në Mitrovicë.
Sipas raportit policor dyshohet se 22-vjeçari ka qëlluar me armë zjarri vëllain e tij pas një mosmarrëveshje mes vete, shkruan Veriu.info.
Viktima ka përfunduar e plagosur, andaj edhe është dërguar në spital për trajtim, teksa i dyshuari tashmë është kapur.
Me vendim të prokurorit lidhur me rastin po inicohen hetimet e nevojshme.
Raporti i plotë i Policisë:
ARMËMBAJTJE PA LEJE & PERDORIMI I ARMËS
Rr. Mehmet Aqif Aksoy, Mitrovicë 02.09.2023 – 12:42. Është arrestuar i dyshuari mashkull kosovar pasi që i njëjti pas një mosmarrëveshje me viktimën –vëllain e tij kishte shkrepur armën e zjarrit dhe i kishte shkaktuar lëndime trupore viktimës së lartcekur. Viktima ka pranuar tretman mjekësor dhe më pas është liruar për shërim shtëpiak. Arma pistoletë e kal. 6 mm qe dyshohet se është përdorur në këtë rast është sekuestruar nga policia. Me aktvendim te prokurorit kujdestar, i dyshuari dërgohet në mbajtje.
