Operatori ekonomik “Bageri” po kryen po thuajse pjesën më të madhe të asfaltimit të rrugëve të Mitrovicës, madje në njërën nga këto rrugë mediat kanë raportuar me video se si një fëmijë ra në një pusetë, raporton Gazeta Online VeriuInfo.
Kjo kompani është kritikuar për monopol dhe njëkohësisht për cilësi të dobët të punëve dhe mungesën e marrjes së masave mbrojtëse.
E pas bërjes mediatike për mosmarrjen e masave mbrojtëse për kryerjen e punimeve, më në fund ka reaguar drejtoria e inspekcionit në Mitrovicë, e cila ka thënë se ka shqiptuar tre gjoba ndaj kësaj kompanie.
Drejtori i kësaj drejtorie, Valon Brahimi, ka thënë se janë marrë masa duke i gjobitur dhe pastaj do të merren masa tjera ligjore.
Më poshtë gjeni postimin e plotë të drejtorit Brahimi 👇
Qytetarë të nderuar të Mitrovicës
Me qëllim të informimit të drejt dhe në kohë reale lidhur me disa shqetësime të ngritura nga media dhe portale të caktuara për dëmet e caktuara në infrastrukturen e qytetit dhe mosndermarrjen e masave mbrojtese ne punishte dhe masave të tjera ligjore nga operatoret ekonomik me theks të veçantë OE “Bageri”, ju njoftoj që lidhur me këtë problematikë Drejtoria e Inspekcionit ka qenë vazhdimisht aktive me inspektime sistematike. Për rrjedhoj në disa raste gjatë inspektimeve inspektorët komunal kanë hasur në parregullësi të vazhdueshme dhe në përputhje me gjendjen faktike kanë zbatuar rregullativën ligjore në fuqi. Vetëm gjatë javës së fundit inspektorët komunal kanë lëshuar tre gjoba për mosndermarrje të masave mbrojtëse dhe mosevitim të parregullësive në punishte dhe diteve në vijim do të merren edhe masa tjera ligjore më radikale për operatorët e papërgjegjshem. Drejtoria e Inspekcionit siguron qytetarët që do të zbatoj ligjin në përpikëri dhe se nuk do të ketë kompromis me askend kur bëhet fjalë pë zbatimin e ligjit dhe sigurinë e qytetarëve.
Ligji mbi të gjitha.
