Sot ka pasur zhvillime pranë urës kryesore të lumit Ibër në Mitrovicë, ku është bërë testimi i qëndrueshmërisë së urës që nuk është hapur tash e shumë vite për qarkullimin e automjeteve.
Qeveria e Kosovës vazhdon të insistojë në hapjen e saj, sa që sot u bë testimi i qëndrueshmërisë me ekskavatorët e kompanisë “Bageri” me pronar Bujar Shabanin që njihet për lidhjet e afërta me zëvendësministrin e Infrastrukturës Hysen Durmishin, raporton Gazeta Online Veriu.info.
E pikërisht Durmishi sot vizitoi urën e Ibrit, vend ku kanë bërë “sfilata” politike deputetë, ministra e zëvendësministra, si duket në tentativë për të grabitur ca merita nga kjo ngjarje.
Ai u zu ngushtë nga pyetjet e gazetarëve nëse vazhdon ta ketë raporte me Bujar Shabanin, pronarin e “Bageri Company”.
Përgjigjen e tij mund ta dëgjoni më poshtë:
