Deputeti i Lëvizjes Vetëvendosje Visar Korenica ka hedhur kritika në adresë të qeverisë së Kosovës për refuzimin që kjo e fundit po bën për anëtarësim në CEFTA e që sipas të dërguarit gjerman për Ballkanin Sarrazin Kosova nuk do të ftohet në Samitin e Berlinit, raporton Gazeta Online Veriu.info.
Korenica ka kritikuar qverinë se nuk ka kuptim të mbajë në fuqi ndalimin e importeve të mallrave serbe e në të njëjtën kohë të dërgojë në Serbi për riparim vagonët e udhëtarëve.
Sipas tij Trainkos ka lidhur kontratë me një kompani vendore e kjo e fundit dërgon në Serbi vagonët për riparim, ani pse siç thotë ai kjo kompani nuk ka licencë ndërkombëtare për këtë gjë.
“Ku mbeti siguria në këtë rast? Sa do të jenë të sigurt qytetarët e Republikës së Kosovës me këtë shërbim?” – pyet deputetin Korenica.
Postimi i plotë i tij:
Mospjesmarrja e Kosovës në Samitin e Berlinit për CEFTA – organizatë për tregëti të lirë ku bëjnë pjesë 6 vende të ballkanit perëndimor që do mbahet më 14 tetor, do ishte lajm i keq për Kosovën dhe shpresoj që qeveria të reflektojë refuzimin për marrëveshjen e ofruar nga emisari i Gjermanisë për Ballkanin Perëndimor z.Manuel Sarrazin duke arritur një marrëveshje dobiprurëse për Kosovën si palë e barabartë në këtë organizatë.
Nuk ka kuptim që të mbash një vendim në fuqi që ka të bëjë me ndalimin e mallrave dhe shërbimeve nga Serbia për shkaqe sigurie e në anën tjetër të çosh vagonat e udhëtarëve për riparim në po të njejtin shtet, pra në Serbi.
Trainkos ka lidhur kontratë në vlerë prej 423,100.02 eur me një kompani vendore e cila çon vagonat e udhëtarve për riparim në serbi në kundërshtim me vendimin e qeverisë, dhe për këtë është në dijeni edhe qeveria dhe nuk ka refuzuar një kontratë të tillë.
Për më tepër punëkryesi në Serbi nuk është i çertifikuar ndërkombëtarisht për të kryer këtë shërbim.
Ku mbeti siguria në këtë rast?
Sa do të jenë të sigurt qytetarët e Republikës së Kosovës me këtë shërbim?
Komisioni për Ekonomi pse jo dhe ai për Buxhet, Punë dhe Transfere duhet ftojnë urgjentisht ministren Rizvanolli për të raportuar për këtë rast dhe për të dhënë përgjegjesi lidhur me këtë kontratë ku dyshohet edhe për keqpërdorim të parasë publike.
