Kandidati i LDK-së për kryeministër, Lumir Abdixhiku, ka prezantuar planin e partisë së tij për shëndetësi.
Ai ka thënë se hapi i parë i LDK-së në fushën e shëndetësisë është ndërtimi i një spitali të ri në Prishtinë, investim që sipas tij do të kushtojë 500 milionë euro, me dy faza me nga 250 milionë euro, raporton Gazeta Online Veriu.info.
“Kemi plan tejtër, më të guximshëm. Ky plan ka të bëjë me ndërtimin e një Spitali të Ri në Prishtinë”, ka thënë Abdixhiku.
Plan i papritur në prezantimin e Abdixhikut është rrënimi i objekteve tek QKUK ku sipas planit të LDK-së aty do të ndërtohet kompleksi më i madh kulturor e artistik në vend me teatro, muze e salla koncertale.
