Egzon Pacolli i LDK-së ka thënë se grant nga Ministria e Bujqësisë së Faton Pecit ka përfituar edhe Veton Mulliqi, i cili është këshilltar politik në Ministrinë e Administrimit dhe Pushtetit Lokal që drejtohet nga Elbert Krasniqi.
Pacolli ka thënë se Mulliqi vetë ka përfituar grantin dhe jo ndonjë familjar i tij.
“Veton Mulliqi është regjistruar me numër 1124006, Mulliqi është këshilltar politik në Ministrinë e Administrimit të Pushtetit Lokal, te ministri Elbert Krasniqi. Ai e ka përfituar vetë grantin. Në investime në arra, lejthia dhe gështenja. Është i verifikuar. Vlera e përfitimit sigurt duhet të jetë nga 80 deri në 100 mijë. Besnik Bislimi është mirë të deklarohet se çka e ka Veton Mulliqin. Dua të deklarohet zëvendëskryeministri, ai ka lidhje kah ana e bashkëshorteve, por duhet ta verifikoj, por kanë lidhje familjare. Kurti sa herë shkon në Pejë, Kurti ndalet e hanë drekë te këshilltari i Krasniqit”, ka thënë Pacolli.
