Pas shpërthimit të mbrëmshëm në kanalin e Ibër Lepencit ka pasur reagime të shumta dhe të ndryshme, në lidhje me situatën e krijuar.
Gazetari Lirim Mehmetaj ka hedhur akuza të rënda në drejtim të Kryeshefit të Ibër Lepenci, Faruk Mujkës, duke e quajtur hajn dhe ish anëtar të partisë së Mira Markoviçit, gruas së Sllobodan Millosheviqit.
Mehmetaj duket se Mujkës si anëtar i partisë së Mira Markoviçit iu ka drejtuar, duke iu referuar një dokumenti të publikuar vite më parë në media, në të cilin thuhej se dëshmon angazhimin politik të paraluftës nga ai në këtë parti.
Ndryshe, Faruk Mujka ishte arrestuar vitin e kaluar nga policia nën dyshimin për keqpërdorim të detyrës zyrtare, me ç’rast i ishin gjetur edhe 60 mijë euro të padeklaruara në banesë.
Postimi i Lirim Mehmetaj:
Kush e la këtë hajnin e partisë së Mira Markoviçit me iu afru vendit të ngjarjes?
Faruk Mujka, që policia e Kosovës ia pati gjet 60 mijë euro nën jastëk, nuk bën assesi që të lejohet në vendin e ngjarjes për shkak se i njëjti ka qenë me dokument anëtar i partisë së Mira Markoviçit, gruas së Slobodan Millosheviçit.
Kjo ish dasht me mjaftu që ky njeri të mos jetë prezent askund afër në momente si këto, për shkak të kaluarës së tij.
Markoviç ka qenë presidente e partisë famëkeqe me akronimin JUL – E Majta e Bashkuar e Jugosllavisë, kurse Mujka ishte anëtarësuar me 24 korrik 1996 (paramendojeni në prag lufte).
Për me tregu saktësisht çfarë partie ka qenë kjo mund të lexoni më gjerësisht në librin “Millosheviç dhe Markoviç – Lakmia për pushtet”.
“YUL-i kombinoi me dinakëri pushtetin financiar dhe politik. Herët ajo trashëgoi ambientet e Lëvizjes së Partisë Komuniste për Jugosllavi (CP-MY)…”.
“Kështu paratë nga buxheti derdheshin direkt në YUL…”.
“Kronizmi, favorizimi dhe fondet ishin një pjesë e rëndësishme e mekanizimit të influencës nga Markoviç”.
“Markoviç u bë e njohur si padronja e shenjtë e profiterëve, sykoanëve (servilëve të gërditshëm) dhe frikacakëve të poshtër”.
