Qeveria e Kosovës thotë se hetimet në lidhje me sulmin terrorist ndaj infrastrukturës kritike Ibër Lepenc janë duke u zhvilluar nga institucionet e Kosovës.
Zëdhënësi i Qeverisë së Kosovës, Përparim Kryeziu thotë se janë në komunikimin të vazhdueshëm me partnerët ndërkombëtarë.
“Hetimet në lidhje me sulmin terrorist ndaj infrastrukturës kritike Ibër Lepenc janë duke u zhvilluar nga institucionet tona. Siç e dini tashmë ka të arrestuar si dhe janë konfiskuar sasi të konsiderueshme të armatimit, municionit dhe uniformave ushtarake së bashku me 74 stema të ndryshme ushtarake prej të cilave 20 të njësive të veçanta të ushtrisë ruse. Jemi në komunikimin të vazhdueshëm me partnerët tanë ndërkombëtarë. Ne mirëpresimin mbështetjen e ofruar nga ata për hetim të plotë të sulmit të 29 nëntorit. Policia jonë ka partneritete me shtetet perëndimore demokratike dhe në hetimet që bën sigurisht se do të mund të ndihmohet edhe prej tyre, por këto janë çështje të ekspertizës teknike”, thotë Kryeziu për rtv21.
