Zëvendësdrejtori i Policisë së Kosovës për Veriun, Veton Elshani, ka folur për Veriu.info lidhur me një aksion që është zhvilluar sot në Veri të Mitrovicës.
Elshani në përgjigjen e tij ka thënë se bashkë me zyrtarët Komunal të Mitrovicës së Veriut kanë verifikuar një pronë që dyshohet të jetë ilegale tek “Tre Rrokaqiejt”.
“Sot pak para orës 11, Policia ka asistu zyrtarëy Komunal të Mitrovicës Veriore në lidhje me verifikimin e Pronës së tyre tek tre rrokaqiejt. Në momentin e hyrjes në këtë objekt (kati i parë i ndërtesës), Policia ka biseduar me disa persona të cilët na kanë treguar se aty janë punonjës të një institucioni që në pamje të parë duket të jetë ilegal. Pas verifikimit të disa dokumenteve ne e kemi njoftu Prokurorin e Mitrovicës dhe kemi hap rast për dyshimin Falsifikim të Dokumenteve. Punëtorët janë leju me i marr gjërat personale dhe me u largu nga aty, ndërsa janë vendos edhe shiritat”, ka thënë Elshani për Veriu.info.
Ai tutje ka njoftuar se nuk ka të arrestuar dhe se policia po e verifikon në detaje dokumentacionin./Veriu.info
