PDK në zgjedhjet e 9 shkurtit hyn në garë zgjedhore me Bedri Hamzën si kandidat për kryeministër, ani pse kryetar i kësaj partie është Memli Krasniqi.
Hamza aktualisht është kryetar i Komunës së Mitrovicës dhe kryetar i degës së PDK-së në Mitrovicë, që i bie se ka dukshëm rol me të vogël në parti, se sa kandidatët e VV-së dhe LDK-së për kryeministër, të cilët janë po ashtu kryetar të partive.
Nga Dega e PDK-së në Mitrovicë për deputet po garojnë, kirurgu i shquar Fatbardh Rexha, ish drejtoresha e Drejtorisë për Kulturë, Rini dhe Sport që ka dorëheqje disa muaj më parë, Valdete Idrizi, Kryesuesja e Kuvendit Komunal të Mitrovicës, Vesa Broja dhe asamblisti i PDK-së në Kuvendin Komunal të Mitrovicës, Xhafer Preteni.
Burime të Veriu.info bëjnë të ditur se dy figura shumë të respektuara në qytetin e Mitrovicës kanë refuzuar kërkesën e PDK-së që të jenë kandidatë për deputet.
Siç mëson Veriu.info kërkesën e PDK-së për kandidaturat e tyre e kanë refuzuaar kirurgu i shquar dhe veteranin e UÇK-së, Rrustem Musa dhe kardiologu i shquar Basri Sejdiu.
