Sonte AAK së ka mbajtur një tubim në Gjakovë, ku ka pasur pjesëmarrje masive të qytetarëve, në komunën që udhëhiqet nga Ardian Gjini i AAK-së.
Mbështetja tradicionale e AAK-së në Gjakovë ka bërë që salla e sporteve të mbushet plotë, por që në krah të kësaj situate ka tentuar të përfitoj poena politik Fatmir Limaj i NISMA-s.
Fatmir Limaj pjesëmarrjen e madhe të qytetarëve është mundur ta ndërlidh me sloganin e NISMA-s ‘veçVEPRA!’, duke shkruar: ‘Gjakova konfirmon fitoren e vlerave, për Kosovën fituese, veçVEPRA!’.
Postimi i tij i plotë:
Gjakova konfirmon fitoren e vlerave, për Kosovën fituese, veçVEPRA!
Koalicioni ynë ka vepra të mëdha në etapa të ndryshme, ne duam të bëjmë vepra të mëdha anë e këndë Kosovës.
Besimi juaj na obligon ta përfundojmë autostradën e Dukagjinit, si dhe ta bëjmë aeroportin e Gjakovës model të suksesit.
Sonte, Gjakova dha porosi të qartë se më 9 shkurt do të ndeshkohen ata që kanë ofenduar qytetarin, që kanë nxitur urrejtje e përçarje, ata që për katër vite nuk arritën ta përfundojnë asnjë projekt.
Antarësimi në NATO, pavarsimi energjetik, ekonomi të zhvilluar, shëndetësi, arsim, janë zotimet tona për mandatin tonë, sepse bashkimi ynë është për Kosovën fituese, veç Vepra.
