Sot, me urdhër të prokurorit është ndaluar për 48 orë biznesmeni Valon Lluka, nën dyshimin e kryerjes së veprave penale “Mashtrimi”, “Shperdorimi i pasurise se huaj”, “Keqperdorimi i autorizimeve ekonomike” dhe “Lidhja e kontrates se dëmshme”.
Prokuroria nuk ka bërë të ditur saktë se ku dyshohet se i ka kryer veprimet Valon Lluka, por që veprat penale për të cilat dyshohet ai nga prokuroria, përputhen me veprat penale të dyshuara në kallëzimin e siguruar nga Veriu.info.
Mirëpo, Veriu.info ka siguruar një kallëzim penal të ushtruar nga kompanitë “ISDIAR L.L.C.” dhe kompania Hirano Mushroom L.L.C., më 24 tetor 2025 në Prokurorin Speciale të Kosovës ndaj Valon Llukës. Në “ISDIAR L.L.C.” Behgjet Pacolli ka 100% të aksioneve, ndërsa në Hirano ka 43% të aksioneve.
Në kallëzimin penal të siguruar nga Veriu.info, Valon Lluka denoncohet që ekziston dyshimi se në cilësi të drejtorit menaxhues të këtyre dy kompanive ka kryer veprat penale: “Keqpërdorimi i autorizimeve ekonomike”, “Lidhja e kontratës së dëmshme”, “Shpërdorimi i pasurisë së huaj”, dhe “Mashtrimi”.
Sipas këtij kallëzimi penal të bër nga kompanitë e Behgjet Pacollit, Valon Lluka akuzohet se ndërmjet datës 24.12.2024 e deri më 30.06.2025, me anë të paraqitjes së rreme të fakteve kishte nxitur personat përgjegjës për bërjen e pagesave brenda kompanisë ISDIAR L.L.C. që të paguajnë pjesërisht një faturë të parregullt të lëshuar nga nën-kontraktori 2A Group L.L.C., për punë të pretenduara të kryera nga ky i fundit në lidhje me ndërtimin e Aroportit në Bengazi, Libi.
“Kompania 2A Group LLC ka lëshuar një faturë me Nr. 65/2024, të datës 24.12.2024, e lëshuar në vlerë prej 1,577,850.70 USD (dollarë amerikan), apo në vlerë prej 1,517,892.37 Euro. Fatura është në gjuhën angleze me përshkrimin tek “Discription of Works” – “Construction Works Airfield, New Benghazi Airport, Benghazi, Libya” në vlerë prej 130,325,160.00 USD, dhe me përshkrimin më poshtë “Total executed Works up to: 31.12.2024: 1,972,313.37 USD”. Përkundër që fatura e tillë nuk ishte lëshuar në përputhje me Kontratën dhe ishte lëshuar pa pranim të përkohshëm të punëve të faturuara dhe për të cilat rrethana i pandehuri më larë ishte në dijeni, i njëjti përmes paraqitjes së rreme të fakteve se gjoja punët janë kryer dhe fatura është e rregullt, ka nxitur zyrtarët përgjegjës për pagesë të kompanisë ISDIAR L.L.C., të bëjnë pagesë të pjesshme të faturës së parregullt në vlerë prej 600,000 USD (me fjalë: gjashtëqind mijë dollarë amerikan) më datën 07.04.2025”, thuhet në kallëzimin penal të siguruar nga Veriu.info.
Ndryshe, kompania 2A Group LLC është në pronësi të biznesmenit Valon Ademi, me të cilin Behgjet Pacolli ka telashe për menaxhimin e punimeve në aeroportin e Vlorës që prej gushtit të vitit të kaluar.
Veriu.info nuk ka pasur qasje të plotë në kallëzim penal, për të parë se për cilat vepra është denoncuar sa i përket punës së tij si drejtor menaxhues në Hirano Mushroom L.L.C.
Policia e Kosovës arreston Valon Llukën, ish-drejtor i Mabetex Holding të Behgjet Pacollit
