Komisioni Qendror i Zgjedhjeve ka bërë të ditur se ka nisur numërimi i votave nëpër vendvotimet në përfaqësi diplomatike.
Valmir Elezi ka njoftuar se votimi është bërë në 30 përfaqësi diplomatike të Kosovës në 19 shtete.
Në votimet nëpër ambasada dhe konsullata të Kosovës kanë marrë pjesë 15 mijë shtetas të Kosovës.
“Pas përfundimit të numërimit të votave në përfaqësitë diplomatike, do të nisë numërimi i votave nëpërmjet postës”, ka thënë Elezi në një konferencë për media të mërkurën.
Elezi ka bërë të ditur se janë 63 mijë zarfe me fletvotime.
“Në numërim do të përfshihen edhe numërimi i votave me kusht dhe atyre të personave me nevoja të veçanta”, ka thënë ai.
