Profesori dhe analisti politik, Blerim Latifi, ka shprehur skepticizmin e tij mbi mundësinë e formimit të një qeverie të re, duke vlerësuar se vendi ka gjasa të shkojë në zgjedhje të parakohshme.
Latifi theksoi në “Pressing” se bashkëpunimi mes partive opozitare mbetet i vështirë. “A është i mundur një koalicion i partive opozitare? Unë dyshoj shumë, pasi ekziston një frikë e brendshme në relacionet mes PDK dhe LDK. Një frikë se çka prodhon një koalicion i tillë.” – tha ai.
Sipas tij, as Lëvizja Vetëvendosje nuk është në një pozitë të favorshme për të krijuar qeverinë, pasi ekziston mundësia që disa nga deputetët e saj të lëvizin drejt opsioneve të tjera.
“Ska me mujtë as Kurti me kriju Qeverinë, munden edhe deputetët e Kurtit me lëviz në drejtimin tjetër. As VV’ja nuk i ka të sigurt deputetët. Realisht të gjitha partitë nuk kanë me qenë në gjendje me kriju një shumicë që funksionon. Opsioni i zgjedhjeve është më i mundshmi në këtë fazë”, shtoi Latifi.
