Ish-kryeministri i Kosovës, Avdullah Hoti, ka njoftuar se viti 2025 ka filluar me rritje të tatimit në pronë.
Hoti, përmes një postimi në facebook është shprehur se në një rast fatura është rritur për 60% më e lartë krahasur me vitin 2021.
Ndërsa ka shtuar se kjo është si pasojë e qeverisjes, këto rritje të çmimeve po i vuajnë qytetarët.
“Viti 2025 nis me fatura të rritura të tatimit në pronë.
Në një rast konkret, fatura është 60% më e lartë krahasuar me vitin 2021.
Pasojat e qeverisjes së mbrapshtë 4-vjeçare po i vuajnë qytetarët me rritje të tatimit në pronë, me shtrenjtim të energjisë elektrike dhe të shportës së konsumit të përditshëm”, ka shkruar Hoti./IndeksOnline/
