Presidenti rus Vladimir Putin tha se ishte “i vetëdijshëm” për thirrjen e shefit të Shtëpisë së Bardhë, Donald Trump, për të kursyer ushtarët ukrainas në rajonin e Kurskut.
Ai deklaroi se e kupton thirrjen e liderit amerikan që Rusia të udhëhiqet nga parimet e humanizmit në lidhje me ushtarët ukrainas.
“Në këtë drejtim, dëshiroj të theksoj se nëse ata dorëzojnë armët dhe dorëzohen, atyre do t’u garantohet jeta dhe trajtimi dinjitoz në përputhje me normat e së drejtës ndërkombëtare dhe ligjet e Federatës Ruse”, tha Putin, transmeton RIA Novosti.
Trump tha më parë se trupat ukrainase ishin të rrethuara në rajonin e Kurskut dhe i kërkoi Putinit t’u kursente jetën.
“Unë i kërkova në mënyrë eksplicite presidentit Putin që t’ua falte jetën. Kjo do të ishte një masakër e tmerrshme, të ngjashme me të cilat nuk janë parë që nga Lufta e Dytë Botërore. “Zoti i bekoftë të gjithë”, tha Trump.
Ukraina mohoi se trupat e saj ishin të rrethuar.
