Mashtrimet me çmime në super marketet e Kosovës janë bërë të zakonshme, sa që në rrjete sociale prej disa javësh është hapur grupi “Kosova Bojkoton” me qëllim të mbrojtjes së konsumatorëve.
Një qytetare nga Mitrovica ka raportuar një rast mashtrimi në njërin prej marketeve më të mëdha. Ajo tregon me foto se si dje (14.04.2025) ka blerë domate me çmime prej 2.19 euro në “Durmart”, ani pse ky rrjet i marketeve në rrjete sociale kishte shpërndarë një postim ku thuhej se për disa produkte ka zbritje nga data 14 deri 16 mars.
Sipas këtij njoftimi, i cili është ende aktiv në faqen e “Durmart” në Facebook, çmimi i domateve nga data 14 deri 16 mars është në zbritje në 1.59 euro nga 2.19 euro.
Ndryshe, pronar i “Durmart” është biznesmeni Agron Durmishi, i cili në disa raste është paraqitur si bamirës në fushata humanitare, përderisa kompania e tij bën mashtrime me çmim pikërisht në muajin e shenjtë të Ramazanit, që është muaj i solidaritetit./Veriu.info/
