Dimal Basha, deputet i Lëvizjes Vetëvendosje, ka thënë se për të, prokurorët dhe gjyqtarët kosovarë që punojnë sipas tij për interesa të individëve janë më keq se sa prokurorët e gjykatësit të kohës së kriminelit serb në ish-Jugosllavi, Sllobodan Millosheviqit.
Basha, përmes një postimi në Facebook, ka shtuar se kjo është për faktin se prokurorët e Millosheviqit i kemi njohur për armiq, ndërsa prokurorët e Kosovës fshihen, siç ka thënë ai, “nën gëzofin e kingjave”.
Deputeti ka eskaluar edhe më tej duke thënë se prokurorët në fjalë nuk i “filtron” as procesi i vettingut.
Postimi i plotë i tij:
Ky vend NUK ka mu ba kurrë pa pas drejtësi. E për dallim që ka pas zgjedhje dhe qytetarët kanë arritë me ndryshu Qeverinë, Kuvendin dhe Presidenten, organet e drejtësisë ende mbeten të njejtat! Pra LLOM!
Ne mundemi me ba vetingun për hajna, por për t’shitun, tuca e berlloka s’di çka ban njeri!
Për mu ata prokurorë e gjyqtarë që qëllimisht punojnë për interesa të individëve dhe sjellin vendime në dëm të vendit, ama bash hiç nuk dallojnë prej prokurorëve e gjykatësve të Millosheviqit.
Bile më keq, se ata i kem njoftë për armiq, a këta veq fshihen nën gzofin e kingjave, dhe për më tepër, paguhen nga taksat e qytetarëve derisa punojnë kundër interesave të tyre!
