Kryeredaktori i Gazetës Online Veriu.info, Gazmend Morina, ka njoftuar se gazetarja e këtij mediumi, Edona Meholli, po intervistohet nga Policia për intervistimin e paaitorizuar të viktimës Liridon Osmani, i cili po trajtohet në QKUK pasi u rrah brutalisht nga dy persona mëngjesin e sotëm në sy të vajzës së tij.
Ai ka thënë se kjo situatë është kur një shtet, përfshirë edhe Policinë, i nënshtrohet Gërbeshëve të Vushtrrisë.
”Turpin e vet me deshtim ne mbrojtje te viktimave te Gerbesheve, policia po deshiron me mbulu me maltretim psiqik te gazetareve.” – shkruan Morina.
Ai ka dhënë një mesazh duke thënë se dorëzohuni ju, por Veriu.info nuk dorëzohet asnjëherë.
Në fund Morina ka deklaruar se përgjegjësinë për të gjitha shkrimet në Veriu.info e mbanë ai si drejtues i emisionit.
Postimi i plotë:
Kur nje shtet, perfshire edhe policine, i nenshtrohet Gerbesheve te Vushtrrise!
Sot, ne oret e mengjesit vushtrriasi Liridon Osmani u rrah me shufra hekuri, prane cerdhes ku po e dergonte vajzen e tij. Pra, rrahja ndodhi para syve te vajzes se mitur.
Viktima thote se u sulmu nga familja Gerbeshi, ani pse tri here kercenimet e kesaj familje i kishte raportuar ne polici.
Per anetare te kesaj familje ka dokumentare qe jane te perfshire ne fajde e krim te organizuar.
Prej pasluftes shteti, e vecanerisht organet ligjzbatuese, jane treguar te dobeta perballe kesaj familje, gati se jane dorezuar.
Ne vend se dikush te merret ne pergjegjesi pse eshte lejuar rrahja brutale e Liridon Osmanit, edhe perkunder denoncimeve te tij ne polici per kercenime, ne keto momente gazetarja e Veriu.info, Edona Meholli po jep interviste ne polici per intervistim te paautorizuar nga QKUK te viktimes, Liridon Osmanit.
Turpin e vet me deshtim ne mbrojtje te viktimave te Gerbesheve, policia po deshiron me mbulu me maltretim psiqik te gazetareve.
Dorezohuni ju, qysh jeni dorezuar deri tash, por Veriu.info nuk dorezohet kurren e kurres para askujt.
P.S.: Pergjegjesine per te gjitha shkrimet ne Veriu.info e mbajte une si drejtues i mediumit.
