Ish-ambasadori amerikan në Serbi, Christopher Hill, nuk pret që SHBA-të ndërhyjnë në zgjidhjen e problemeve në Ballkan, përfshirë këtu edhe kontestin mes Kosovës dhe Serbisë, siç ka bërë dikur.
Ky rajon nuk është prioritet ditor për SHBA-të, sipas Hill.
Ai, për Radio Evropa e Lirë, tha se zgjidhjet duhet të vijnë nga brenda.
Ballkani është, padyshim, një punë e papërfunduar në Evropë, por njerëzit në Ballkan duhet të kuptojnë se në pjesë të tjera të botës, po ndodhin gjëra të tjera. Ndaj, nuk duhet të presin që njerëzit t’i lënë mënjanë problemet me të cilat po merren, qoftë në Ukrainë apo në Lindjen e Mesme, dhe të thonë: Në rregull, Kosovë, do të mundohemi të të ndihmojmë me këtë”, tha Hill.
Ai thekson se Kosova duhet ta çojë përpara themelimin e Asociacionit të komunave me shumicë serbe, thotë se edhe Serbia ka punë për të bërë, por nënvizon se ajo është duke ndihmuar Ukrainën – prioritetin kryesor në Evropë, sipas tij.
Ish-ambasadori theksoi se Kosova duhet ta dërgojë përpara themelimin e Asociacionit të Komunave Serbe. Ai shtoi se edhe Serbia ka punë për të bërë.
Hill nënvizoi se SHBA-të kanë ndihmën ndaj Ukrainës, prioritetin kryesor në Evropë, sipas tij.
“Fakti që po mundohemi t’i menaxhojmë disa nga interesat tona me Serbinë, nuk do të thotë që jemi kundër Kosovës. Ne kemi shumë interesa edhe në Kosovë”, thotë Hill.
