Deputetja e PDK-së, Vlora Çitaku, ka komentuar dështimin e radhës për konstituim të Kuvendit të Republikës së Kosovës.
Ajo thotë se Kuvendi është marrë peng nga kokëfortësia, kryeneçësia dhe papërgjegjësia e Albin Kurtit.
“Nuk ka fije logjike që institucionet e Republikës së Kosovës të mos konstituohen, në mënyrë që të jemi në gjendje të adresojmë sfida të shumta, halle të shumta të qytetarëve, për shkak të kryeneçësisë së zotit Kurti dhe ambicies se zonjës Haxhiu. Kosova është shumë më e madhe dhe më e rëndësishme sesa secili prej nesh.
Vërtet kjo nuk ka asnjë logjikë. Ne kërkojmë dhe kemi ofruar zgjidhje, mirëpo LVV-ja nuk do bashkëpunim, nuk do bashkërendim. Lëvizja Vetëvendosje do diktat dhe nënshtrim, e PDK-ja nuk i nënshtrohet diktatit të Albin Kurtit” u shpreh Çitaku.
Edhe sot dështoi konstituimi i Kuvendit për të 34-tën herë me radhë, me grupet parlamentare që refuzuan të propozojnë emra për anëtarë të Komisionit për votim të fshehtë, dhe Albulena Haxhiun që sërish nuk i mori votat për kryetare të Kuvendit.
