Deputetja e LDK-së, Hykmete Bajrami, përmes një reagimi në Facebook thekson se ‘sot me date 20 qershor 2025, Kosova e importon rrafsh gjysmën e energjisë që e shpenzon’.
Bajrami thotë se sipas njoftimit të KEK-ut për më pak se një muaj tri blloqe të Termocentralit Kosova A kanë dalë jashtë funksionit.
Por sipas Bajramit pa energji nuk do të mbetet Kosova por tregon se sa po i kushtojë kjo qytetarëve.
“Sot me date 20 qershor 2025, Kosova e importon rrafsh gjysmën e energjisë që e shpenzon, po, po gjysmën. Sot prodhimi sipas KOSTT-it është 7157 MW ndërsa A e dini se importi që bëhet për shkak të këtyre prishjeve nuk është i përfshirë në rritjen e çmimit të energjisë elektrike prej 16.1% as në vendimin për t’i përjashtuar 1300 biznese nga shërbimi i furnizimit universal?Por mos kini dyshim, pa energji nuk mbesim! Sa herë që bien blloqet e KEK-ut, ngritën në këmbë tregtarët e energjisë, veçanërisht NOA dhe EFT-ja e Vuk Hamoviqit” shkruan Bajrami.
Ajo thotë se Prokuroria duhet të fillojë menjëherë hetimet për mafinë energjetike.
“Energjia nuk është luks, por nevojë, por për tregtarët e energjisë, është bërë burim i majmë fitimi.Prokuroria duhet të fillojë menjëherë hetimet për mafinë energjetike. Institucionet dhe udhëheqësit e tyre kanë përgjegjësi për vonesat në remonte, për rënien e tri blloqeve për më pak se një muaj, sepse rënia e blloqeve ju lëvërdisë tregtarëve të energjisë, atyre që kanë monopolizu importin duke rezervuar kapacitetet e transportit të energjisë” shkruan Bajrami.
Reagimi i plotë:
