Shkruan: Jetlir Buja
Serbia ka nënshkru marrëveshje me ble sisteme tepër të avancuara të dronëve dhe armëve tjera nga Izraeli me të cilat nesër na kërcënon neve.
Serbia në vitin 2024 i çoi Izraelit armë në vlerë prej 42.3 milionë eurove përkundër thirrjeve ndërkombëtare që shitja e armëve për regjimin gjenocidal të Netanyahut të ndalej. Në vitin 2025, ndoshta kjo është shumëfishu.
Vuçiqi tha para pak ditëve se ishte i vetmi shtet në Evropë që po bënte tregti armësh me Izraelin. I vetmi në Evropë!
Dhe normal, regjimi i Izraelit ia kthen të mirat regjimit të Serbisë. Çka bën gjenocidi për gjenocidin! Serbia mund të bëhet një fuqi rajonale edhe më destabilizuese, edhe më e rrezikshme nga mbështetja e regjimit të Izraelit. Të gjithë e dimë çfarë kapacitetesh të jashtëzakonshme në fushën e sigurisë ka Izraeli.
Së fundmi, BIA serbe u zbulu se po i spiunonte telefonët e kundërshtarëve të Vuçiqit në Serbi përmes një teknologjie të Izraelit. Kushedi çka do të bëjnë tutje derisa miqësia e tyre rritet e rritet.
Krejt politika e Kosovës po dështon me e kuptu sa shumë ka ndryshu politika dhe opinioni ndërkombëtar muajt e fundit! E kjo është seriozisht e turpshme!
