Ministri në detyrë i Financave, Hekuran Murati ka paralajmëruar se Kosova rrezikon të humbasë një financim prej 90 milionë eurosh nga Banka Botërore, i cili është alokuar që nga maji i vitit të kaluar, por ende nuk është ratifikuar nga Kuvendi për shkak të mosmarrëveshjeve politike.
Kryetari i Aleancës Kosovare të Biznesit (AKB), Agim Shahini në një intervistë për dokumentarin “Expose”, thotë se humbja e 90 milionë eurove është lajm i keq ku LVV ka përgjegjësinë më të madhe për konstituimin e Kuvendit.
“Dua të zbulohet faktori bllokues i Kuvendit dhe kujt po ia adreson këtë ankesë Murati, kur ne të tjerët jemi të pafuqishëm që të ndryshojmë mendjen e deputetëve në Kuvend, sepse ne ua kemi dhënë votën atyre deputeëve dhe ata duhet të ndryshojnë qasjen. Humbja e 90 milionë euro është lajm i keq por është pikërisht subjekti i LVV i cili ka përgjegjësinë më të madhe për konstituimin e Kuvendit dhe partitë e tjera. Nuk janë vetëm 90 milionë por janë shumë më shumë miliona, ku qeveria e vendit e ka sjell Kosovën në këtë situatë ku po humbim miliona të përditshëm”, tha ai.
Shahini thekson se fajtori kryesor për 90 milionë euro është qeveria e vendit dhe subjekti politik që është në krye të qeverisë, por sipas tij fajtor janë edhe partitë tjera që nuk po arrijnë të konstituojnë Kuvendin.
“Fajtori kryesor për 90 milionë euro është qeveria e vendit dhe subjekti politik në krye të qeverisë që është por edhe partitë tjera që nuk po e konstituojnë Kuvendin dhe nuk po arrijnë marrëveshje. Është e pakuptimtë se si qeveria aktuale ka 48 deputetë dhe nuk mund ti bëjë edhe 3-4 vota të tjera për me bë qeverinë. Dikur partitë e tjera i marshin rreth 30 deputetë dhe i bëjshin 81 deputetë, kjo ka tregu demokraci dhe bashkëpunim, qeveria aktuale nuk po dëshiron që të bashkëpunoj me deputetë, me partitë në mënyrë që të del vendi nga ngërci që mos ti humbim këta shumë miliona dhe shumë më shumë miliona edhe nga sanksionet ekonomike”, u shpreh Shahini.
Ndër të tjera ai thotë se humbjet janë shumë më të mëdha, ku tash e 2 vite për shkak të sanksioneve nga Bashkimi Evropian humbjet janë mbi 1 miliardë euro.
Gjithashtu ai tregon se qeveria nuk ka arritë të mbështesë ekonominë prodhuese dhe biznesin vendor, edhe pse kishin shpresuar se qeveria aktuale do ti bashkohej misionit të AKB-së për të mbështetur prodhimin vendor.
“Humbjet janë mbi 1 miliardë euro, duke përfshirë këtu tash po thuajse 2 vite e më shumë të sanksioneve ekonomike dhe sanksionet janë kryesisht kundërpërgjigjje e qeverisë aktuale nga EU dhe parterët tjerë ndërkombëtarë. Pse ekonomia e Kosovës është në këtë gjendje përgjegjës prap është qeveria e vendit, nuk mund askush të adreson gishin nga dikush tjetër, pse energjia elektrike është më e shtrenjta në Europë në Kosovë duhet prap të shikohet në drejtimin e qeverisë se vendit pse e ka leju një gjë të tillë, pse rënia ekonomike nga 4.4 e parashikmev ka ra tash në 3.65 sipas Bankës Botërore, është prap problemi i qeverisë së vendit.
Dhe pse janë ngrit çmimet në Republikën e Kosovës është një problem që Kosova nvaret nga importet dhe vitin e kaluar kanë shkuar importet në 6.3 miliardë euro dhe qeveria nuk ka arritë ta mbështetë ekonominë prodhuese, përpunuese dhe biznesin vendor dhe ne kemi shpresuar në qeverinë aktuale që do ti bashkohet misionit të AKB për të mbështet prodhimin vendor. Ne kemi besuar se qeveria aktuale do të bëjë shumë më shumë për prodhuesit vendorë, sepse në të kaluarën propaganda ka qenë e tillë, ka qenë i vetmi subjekt jo qeveritar që e ka mbështet iniciativët e prodhuesve vendorë dhe tash kur është në krye të qeverisë iniciativat prodhuese dhe të biznesseve janë të pambështetura përkundrazi energjinë elektrike e kemi më të shtrejntën në Ballkanin Përendimorë dhe në Europë”, përfundoi ai.
