Eksperti i sigurisë, Drizan Shala, ka paralajmëruar për pasoja serioze që mund të sjellë ndërtimi i dy urave të reja mbi lumin Ibër, projekt i paralajmëruar nga Qeveria në detyrë e Kosovës.
Ai e sheh këtë veprim në një kontekst më të gjerë politik dhe strategjik, ku përfshihet dështimi i funksionalizimit të urës ekzistuese, moszbatimi i marrëveshjeve të Brukselit dhe përpjekjet për kontroll institucional në veri.
“Dështimi i integrimit funksional të Urës së Ibrit, që ka mbetur simbolikisht e hapur, por realisht jo funksionale për automjete, kufizimeve që vijnë nga marrëveshjet e Brukselit dhe moszbatimit të plotë të tyre nga Serbia, rrezikut të tensioneve ndërmjet komuniteteve në veri të Mitrovicës dhe përpjekjeve të qeverisë për të marrë kontroll efektiv institucional”, potencoi Shala.
Sipas Shalës, ndërtimi i urave të reja rrezikon përkeqësimin e marrëdhënieve ndëretnike, pasi mund të shihet si provokim nga komuniteti serb.
“Reagim të ashpër nga Serbia dhe rrjetet e saj hibride në veri, zbehje të besimit të Bashkimit Evropian në Qeverinë Kurti për shkak të mospërfilljes së marrëveshjeve ndërkombëtare, krijimin e zonave të reja të tensionit urban dhe etnik, në mungesë të koordinimit me faktorët ndërkombëtarë dhe komunitetet lokale”, deklaroi ai për “Front Online”.
