Qendra.Info ka siguruar dokumentin zyrtar që tregon se institucionet publike të Komunës së Preshevës janë detyruar të kërkojnë ndihmë financiare nga bashkatdhetarët në mërgatë për të siguruar vetëm 19 mijë euro për ndërtimin e dy bunarëve – një investim minimal që do të zgjidhte problemin e furnizimit me ujë të pijshëm për qytetarët.
“Paramendoni, pushteti lokal nuk është në gjendje t’i sigurojë ndërmarrjes publike Moravica këtë shumë për hapjen e dy bunarëve që do të zgjidhnin problemin e ujit… ndërkohë që në anën tjetër vazhdojnë shpërndarjen e tenderëve për familjarët dhe të afërmit,” denoncon një burim nga komuniteti lokal.
Ky është realiteti i trishtë në Preshevë, ku mungesa e përgjegjshmërisë institucionale dhe keqmenaxhimi po pengojnë zhvillimin dhe mirëqenien e qytetarëve.
Ndërkohë që nevojat elementare, si uji i pijshëm, kërkojnë vëmendje dhe fonde urgjente, paratë e taksapaguesve po devijohen drejt interesave private dhe klientelizmit politik.
