Përmes një letre drejtuar Bashkimit Evropian dhe Meksikës, Trump është zotuar për të vendosur tarifa prej 30 % ndaj vendeve të unionit, por dhe fqinjit jugor.
Sipas Presidentit amerikan tarifat do të hyjnë në fuqi në 1 gusht.
Duket se ditët e fundit Trump është rikthyer në një qasje plotësisht agresive ndaj tregtisë, si ajo që ndoqi në fillim të prillit, duke pasur një ekonomi të qëndrueshme pas vetes dhe tregje financiare që nuk po tregojnë ndonjë pengesë për të.
Ashtu si në prill, investitorët thonë se tarifat që ai ka shpallur këtë javë janë ndjeshëm më të larta nga sa priste tregu por ndryshe nga prilli, tani aksionet po arrijnë nivele të reja të larta dhe tregu i obligacioneve mbetet i qetë.
Në dy postime të publikuara në Truth Social këtë të shtunë, Trump tha se SHBA do të vendosë tarifa 30% mbi mallrat që vijnë nga Meksika dhe Evropa.
Në rastin e Evropës, letra ndërpret bisedimet midis palëve që synonin arritjen e një marrëveshjeje këtë muaj.
Trump ka dërguar dhjetëra letra tregtare këtë javë, duke paralajmëruar vendosjen e njëanshme të tarifave ndaj partnerëve të mëdhenj dhe të vegjël.
Trump kërcënoi Brazilin me tarifa prej 50% nëse nuk e ndalon gjyqin penal ndaj aleatit Jair Bolsonaro.
Ai gjithashtu këtë javë shpalli një tarifë 50% për bakrin, çka rrezikon të shkaktojë një rritje të çmimit për një nga metalet më jetike të ekonomisë.
/Euronews Albania/
