Deputeti nga Lëvizja Vetëvendosje, Halil Thaçi, ka reaguar pas vendimit të Gjykatës Supreme që ka hedhur poshtë një udhëzim administrativ të Hekuran Muratit, lidhur me arkat fiskale.
Thaçi në një prononcim për GazetaBlic, thotë se vendimi nga Gjykata Supreme është në favor të atyre që mbajnë monopolin e arkave fiskale.
Ai shton se digjitalizimi i arkave fiskale është i mirëseardhur për bizneset dhe shttin sepse sipas tij do të luftohet informaliteti dhe bizneset nuk do të kishin barrën që e kanë tani.
“Ky vendim nga Gjykata Supreme është në favor të atyre qe mbajn monopolin e arkave fiskale.Digjitalizimi i arkave fiskale është i mirëseardhur për bizneset dhe natyrisht edhe për vetë shtetin sepse do të luftohet informaliteti dhe bizneset nuk do të kishin barrën që e kan tani”, përfundoi ai.
