Shkruan: Berat Buzhala
Pse s’po bëhet temë që Vjosa Osmani po mendon a me kriju parti politike a me u kthy në LDK, si bartëse e listës në zgjedhjet e ardhshme, ngjashëm siç ka vepru në vitin 2021, kur ishte bartëse e listës së LVV-së?
Vjosa nuk e ka ndërmend me dalë në pension në prill të vitit të ardhshëm, kur edhe i skadon mandati i Presidentes. Këtë, me fjalë të tjera, e ka thënë edhe në një intervistë në KTV, kur ka thënë “s’munden me më hekë qafësh bash lehtë”.
Çka po dëgjoj unë është që tash rreth Vjoses janë bashkuar një grup njerëzish, kryesisht gra të suksesshme në profesione të ndryshme, por edhe burra, që tash janë kontaktu nga vetë Presidentja.
Një riunifikim i LDK-së, siç ka ndodhur në vitin 2019, besoj që e kishte ndihmuar këtë parti në zgjedhjet e ardhshme. Në fakt, LDK rikthehet fuqishëm në lojë vetëm përmes një bashkimi dhe pajtimi, por që duket shumë e vështirë.
Nëse Vjosa bën parti, unë mendoj që ajo duhet me synu 10 për qind, për me pas mundësi ndoshta me marrë 7-8 për qind. Popullariteti i saj i lartë nëpër sondazhe nuk përkthehet në votë neto.
Atë edhe më tutje e ‘pëlqejnë’ votuesit e Albinit, por që në momentin kur kjo do të kërkojë vota për partinë e saj, pjesa më e madhe do të pozicionohen në krah të Kurtit, por që do të ketë rrjedhje.
Votuesi potencial te partia e Vjoses do të jenë votuesit e rinj, që votojnë për herë të parë, gratë, një pjesë e votuesve të LVV-së dhe një fraksion edhe i votuesve të LDK-së.
Partia e Vjoses e faktorizon PDK-në, por që, për mendimin tim, prapë kanë gabuar në zgjedhjet e fundit, duke e rizgjedhur Memlin kryetar, duke shpresuar që prapë e nxjerrin Bedriun për kandidat për kryeministër. Me fjalë të tjera, po e kruajnë veshin e majtë me dorën djathtë.
