Veriu.info në muajin maj kishte raportuae se si kompanisë “MC FOOD” Sh.P.K. me pronar Izet Sheqirin i ishin zbuluar 21,874 kg mish peshku të lloji Hake (Golden) dhe Hake (Merlu) të infektur me këtë krimb të rrezikshëm. Por si duket ky nuk ka qenë një rast i izoluar për kompaninë “MC FOOD” Sh.P.K.
Kompania “MC Food sh.p.k.” e biznesmenit Izet Sheqiri, e përfshirë më herët në skandale me trafikim të drogës dhe shkelje të rënda të standardeve të sigurisë ushqimore, është përballur me një tjetër rast të ngjashëm. Agjencia e Ushqimit dhe Veterinarisë ka refuzuar importin e rreth 14 tonëve peshk të ngrirë, pasi, sipas vendimit zyrtar, ngarkesa nuk i përmbush standardet për tregun kosovar dhe është urdhëruar të kthehet në vendin e origjinës.
Gazeta Insajderi ka siguruar një dokument zyrtar nga Agjencia e Ushqimit dhe Veterinarisë (AUV), përmes një kërkese për qasje në dokumente publike, i cili tregon se më 21 shkurt 2025 është marrë vendim për refuzimin e importit të 13.4 tonë peshk të ngrirë nga Maqedonia e Veriut.
Sipas vendimit të nënshkruar nga Inspektori Veterinar Kufitar, ngarkesa me peshk e llojit Merluccius hubbsi (i njohur ndryshe si hake), e eksportuar nga kompania “Metro AD” nga Shkupi dhe e importuar nga “MC Food SH.P.K.” nga Lipjani, është refuzuar për qarkullim publik në Kosovë.
Arsyeja e refuzimit, sipas dokumentit, është se ngarkesa nuk i përmbushte rregullat dhe aktet ligjore mbi importimin e dërgesës. Vendimi është marrë pas analizës e cila konstatoi parregullsi në përmbushjen e kërkesave ligjore për etiketim dhe kontroll të cilësisë.
Ngarkesa e refuzuar kishte një peshë bruto prej 13,469 kg dhe peshë neto prej 12,602 kg, dhe ishte e dedikuar për tregun kosovar.
Biznesmeni Izet Sheqiri, pronar i kompanisë “MC FOOD” Sh.P.K., është emër i njohur për autoritetet ligjzbatuese në Kosovë. Ai ndodhet aktualisht në paraburgim, pasi Prokuroria Speciale e Kosovës ngriti aktakuzë kundër tij në nëntor të vitit 2022, lidhur me njërin nga rastet më të mëdha të kapjes së drogës në vend – 400 kilogramë kokainë që nga Brazili përfunduan në depon e kompanisë së tij në Lipjan.
Sasia e drogës ishte zbuluar në maj të vitit të kaluar, brenda një kamioni, që mbante mish të importuar.
Kamioni, pronë e “MC FOOD”-it, kishte si destinacion përfundimtar Kosovën, ndërsa kokaina ishte fshehur në ngarkesën e mishit. Sipas dokumenteve zyrtare të siguruara nga Gazeta Insajderi, kompania është në bashkëpronësi të Izet Sheqirit dhe biznesmenit nga Shqipëria, Bledar Halilaj.
Sheqiri zotëron 60% të aksioneve të firmës, ndërsa Halilaj 40%.
“Nuk dihet se ku ndodhet i akuzuari”, shtyhet gjykimi për 400 kg kokainë të ardhur nga Brazili
