Kryeministri i Izraelit sapo tha se vendi është në një “fazë vendimmarrjeje”.
Trupat e tij kanë filluar të përparojnë drejt qytetit të Gazës si pjesë e një plani pushtimi.
Por ai shtoi këtë: “Në të njëjtën kohë, unë kam udhëzuar të fillojnë negociatat e menjëhershme për lirimin e të gjithë pengjeve tona dhe një fund të luftës me kushte të pranueshme për Izraelin.
“Këto dy gjëra – mposhtja e Hamasit dhe lirimi i të gjithë pengjeve tona – shkojnë dorë për dore.”
Ai nuk dha detaje të mëtejshme mbi këto negociata.
Të martën, zyrtarët izraelitë thanë se vendi po studion përgjigjen e Hamasit ndaj një propozimi për një armëpushim 60-ditor dhe lirimin e gjysmës së pengjeve që mbahen ende në Gaza.
Një burim tha se të gjithë robërit izraelitë duhet të lirohen që lufta të përfundojë.
Ndërmjetësit Egjipti dhe Katari kanë shtyrë propozime për të rinisur bisedimet indirekte mbi një plan armëpushimi të mbështetur nga ShBA-ja, shkruan Skynews
