Një rast i pazakontë i dhunës në familje është raportuar sot në Prishtinë.
Burime të Sinjalit mësojnë se ngjarja ka ndodhur në rrugën “Gani Butka”, ku në konflikt janë përfshirë V.A. rreth 52-vjeçare dhe vajza e saj E.A. rreth 23-vjeçare.
Fillimisht mosmarrëveshja mes tyre ka nisur me fjalosje, por më pas ka kaluar në shtyrje dhe tentim goditjesh. Të dyja palët e kanë akuzuar njëra-tjetrën për dhunë, ndërsa kanë refuzuar ndihmën mjekësore.
Pas intervistimit në polici, me urdhër të Prokurorit kujdestar, është iniciuar rasti “Dhuna në Familje”, ndërsa të dyja janë liruar në procedurë të rregullt.
