Një incident është raportuar mbrëmë në Mitrovicën e Veriut, ku një person ka përfunduar në pranga pasi ka kanosur zyrtarët policorë.
Burime të Sinjalit mësojnë se ngjarja ka ndodhur rreth orës 19:40 në rrugën “Kralj Petar”, pranë përmendores së Car Llazarit.
I dyshuari është identifikuar si G.H. rreth 57-vjeçar, i cili dyshohet se ka kanosur policët gjatë kryerjes së detyrës. Pas incidentit, Policia ka ndërhyrë dhe e ka arrestuar atë.
Në vendin e ngjarjes kanë dalë hetuesit dhe me urdhër të Prokurorit të Shtetit rasti është cilësuar si “Kanosje”, ndërsa i dyshuari është dërguar në mbajtje.
