Aktivisti i Vetëvendosjes, Tafi Kastrati, ka pretenduar se është kërcënuar nga kandidati i së njëjtës parti për kryetar të Malishevës, Valon Hoti. Në një reagim, Kastrati ka bërë të ditur se incidenti ka ndodhur të martën, në prezencë të fëmijëve.
Sipas tij, këto reagime lidhur me mungesën e energjisë elektrike dhe ujit kanë nxitur reagimin e kandidatit Valon Hoti.
Kastrati shtoi se rastin e ka raportuar në polici dhe u ka bërë thirrje institucioneve të marrin përgjegjësi për problemet e qytetit.
Reagimi:
“Liria fletë e demokracia mbrohet!
Unë si qytetar i këtij vendi e aktivist politik kam reaguar e reagojë për çdo gjë që i ndodhë qytetit tim! Është e papranueshme që qyteti ynë të mbetet pa energji elektrike e pa ujë, duke na vështirësuar jetën e përditshme dhe duke dëmtuar bizneset lokale. Pa dritë e pa ujë nuk ka as dinjitet për qytetarin, as zhvillim për ekonominë.
Keto reagime të drejta duke gjetur edhe fajtor ne pengesën e tyre, kanë nxitur kandidatin për Kryetar Komune Valon Hotin që sot me më ndalë ne rrugë e në prezencë të fëmijë me me kërcenuar! Jo që më trembë një leckë e tillë por është e rrezikshme ku shkon mentaliteti dhe poshtërsia e njerzëve për të cilët kam kontribuar e angazhuar me bërë keso kërcenime!
Ato nuk më ndalin! Andaj sot rastin e kam raportuar ne polici sepse është obligim i imi, përveq që me i demasku ata që nuk kanë dinjitet rrespekt e nder ndaj vlerës zërit kritik
Unë besojë ne institucionët e mija për të cilat është dhënë mund gjak e sakrificë me i ndertu!
E për problemët tona që përballemi çdo ditë: Është koha që institucionet përgjegjëse të japin llogari dhe të ofrojnë zgjidhje të qëndrueshme, jo vetëm arsyetime. Qyteti ynë meriton më shumë – meriton respekt, siguri dhe kushte elementare për një jetë normale.
#QytetiPaDritë #QytetiPaUjë #KërkojmëZgjidhje”
