Mbrëmë është zhvilluar debati mbi zgjedhjet lokale në komunën e Rahovecit, ku kandidatët për kryetarë komune kanë përballur premtimet dhe argumentet e tyre.
Kandidati i PDK-së për kryetar të komunës së Rahovecit, Edon Cana, ka akuzuar kryetarin aktual Smajl Latifi se ka nënshkruar hiq më pak se 20 milionë euro kontrata me të njëjtë kompani, raporton Gazeta Online Veriu.info.
Bëhet fjalë për kompaninë Lika Trade, e cila ka fituar një numër të konsiderueshëm të kontratave për ndërtimin e rrugëve.
“Lloti i parë është prej Xërxës e deri tek termosistemi Osa, në vitin 2019 është kontraktu për 3 milionë euro, kurse në vitin 2025 për 8 milionë euro, 5 milionë euro më shtrenjtë. E ka fitu Lika Trade.” – ka thë Cana drejtuar kandidatit të AAK-së, Smajl Latifi.
