Gazmend Muja, vllau i deputetit Muja i cili tash garon për asamblen komunale në Mitrovicë nga rradhët e LVV-së dikur kishte qenë pjesë e PDK-së.
Gazmend Muja shkonte aq larg saqë e pëlqente postimin ku vëllau i tij quhej i poshtër, shkruante asokohe Reporteri (https://reporteri.net/lajme/vellezerit-muja-armiq-ne-politike-gazmendi-e-pelqen-komentin-ku-armendi-quhet-i-poshter/)
Armend Muja, në kohën kur ishte analist politik, kishte shkruar një status në të cilin thoshte se është lajm i mirë se zgjedhjet në Amerikë i fitoi Joe Biden dhe Grenell nuk do të jetë emisar. Këtu shtonte edhe se Thaçi nuk do të jetë pjesë e politikës.
Muja këto komente i kishte bërë përmes një statusi në Facebook dy ditë pas arrestimit të ish-Presidentit Thaçi.
“Biden, President i SHBA’së: Siç pritej, Joe Biden President. Lajm i mirë për botën e Kosovën. Çështja e Kosovës nuk është e hapur më, ajo është e mbyllur, Grenell kurrë më emisar. Këto ditë ishin të hidhura për Qeverinë Hoti. Dy nga hisedarët kryesor të saj – hohstapleri Grenell dhe ish-Presidenti Thaçi nuk janë në skenë”, kishte shkruar Muja.
Në statusin e Mujës kishte komentuar një qytetar i cili thoshte se duhet të jesh shumë i poshtër për të iu gëzuar faktit se një shqiptar po gjykohet për krime të pretenduara të luftës.
“Shumë bre i poshtër duhet me qenë me ju gëzu faktit që një shqiptar po gjykohet për krime të pretenduara të luftës! Ti po mendon që edhe këta janë duke u akuzuar si ti për korrupsion”, kishte komentuar ai.
Ndërkaq këtë koment të qytetarit e ka pëlqyer vëllai i Armend Mujës, Gazmend Muja./Reporteri/
