Ekskluzive: Këta janë 4 anëtarët e familjes Gerbeshit që sot u arrestuan nga policia (Emrat)

(Lajm i përditësuar) Prokuroria Themelore në Mitrovicë dhe Policia e Kosovës kanë realizuar një aksion në orët e hershme të mëngjesit sot në Vushtrri, ku janë arrestuar katër (4) persona, tre (3) prej tyre nën dyshimin e kryerjes së veprës penale “Detyrimi”, si dhe një (1) person i cili ka qenë në arrati për veprat penale “Lëndimi i lehtë trupor“ dhe “Arratisja e personave të privuar nga liria“.

Burime të Veriu.info bëjnë të ditur se aksioni me urdhëresë të Gjykatës Themelore në Mitrovicë (dega Vushtrri) është realizuar në pronat e familjes Gerbeshi në fshatin Ropicë të Vushtrrisë dhe në një lokacion në qytetin e Vushtrrisë.

Veriu.info mëson se tre (3) nga katër (4) të arrestuarit janë: Avdullah Gerbeshi, Emin Gerbeshi, Rrahman Gerbeshi, dhe Kadri Gerbeshi.

Në pamjet e siguruara nga Veriu.info shihet se pas aksionit i janë vënë shiritat e policisë autosallonit “BINNI” në Vushtrri, pronë e Albin Gerbeshi.

Veriu.info ka kontaktuar edhe prokurorin që e ka udhëhequr aksionin e sotëm, Muharrem Prekazi, për të konfirmuar emrat e të arrestuarve, por ai ka thënë se në këtë fazë të procesit nuk mund të jep detaje më shumë se sa në komunikatë.

“Prokuroria Themelore në Mitrovicë në koordinim me Policinë e Kosovës, respektivisht Drejtorinë për Hetimin e Krimit të Organizuar dhe Krimeve të Rënda, ka bërë realizimin e urdhëresës së Gjykatës Themelore në Mitrovicë – dega Vushtrri për kontrollin e shtëpive të katër (4) personave të dyshuar, ku që nga orët e hershme të mëngjesit janë kontrolluar gjithsej tri (3) lokacione, dy (2) në fshatin Ropicë të Vushtrrisë dhe një (1) lokacioni në qytetin e Vushtrrisë. Nga ky operacion policor janë arrestuar tre (3) persona lidhur me dyshimin e kryerjes së veprës penale “Detyrimi”, si dhe një (1) person i cili ka qenë në arrati për veprat penale “Lëndimi i lehtë trupor“ dhe “Arratisja e personave të privuar nga liria“. Me vendim të prokurorit, katër (4) të pandehurit ndalohen për 48 orë, ndërkaq operacioni është duke vazhduar”, thuhet në njoftimin e prokurorisë.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

(Pamjet në foto: Kallxo.com)

Më poshtë gjeni disa prej raportimeve të Veriu.info për anëtarë të familjes Gerbeshi të publikuar gjatë këtij viti:

Operacion i madh policor në pronat e familjes Gerbeshi në Vushtrri – Arrestohen katër persona në tri lokacione

Ekskluzive: Paraburgosen dy nipa të familjes Gërbeshi, njëri po dyshohet se rrahu Liridon Osmanin (Emrat)

Ekskluzive: 30 ditë paraburgim policit Murat Latifi, dha informata dhe ndihmoi në largimin e të pandehurit Kreshnik Maloku, familjarit të familjes Gërbeshi

Arrestohet Fatmir Gërbeshi – Liridon Osmani nuk gjen rehati nga familja Gërbeshi

I përkeqësohet gjendja të plagosurit me armë në Gojbulë të Vushtrrisë, punonte si roje objekti në një pronë të familjes Gerbeshi

Osmani: E kam ditë që familja Gërbeshi nuk janë burra, burri që është burrë del… (VIDEO)

Ekskluzive: Liridon Osmani përmend me emër anëtarin e familjes Gërbeshi që e kërcënoi i pari përmes telefonit (VIDEO)

Morina në Kanal 10: Policia po i nënshtrohet familjes Gërbeshi nga Vushtrria (VIDEO)

Kadri Gerbeshi arratiset nga duart e Policisë në Vushtrri

Ky është vushtrriasi Tahir Gërbeshi që i kërcënoi me armë policët, iku me veturë dhe është ende në kërkim

30 ditë paraburgim për policin e arrestuar për ndihmë personave të përfshirë në vepra penale

Morina pas arrestimit të policit: Kam paralajmëruar se policë të Vushtrrisë punojnë për Gërbeshët, së shpejti priten arrestime tjera

Vushtrria nuk gjen qetësi nga Gërbeshët: E ndoqën me motor gruan e Liridon Osmanit, dy persona përfundojnë në pranga

“Policia e Vushtrrisë bashkëpunon me fajdexhinjtë, Gërbeshët po dojnë me ma marrë tokën” – Liridon Osmani sjellë detaje mbi raportimet e kërcënimeve në organet e rendit (VIDEO)

Vushtrriasi që u rrah brutalisht në sy të vajzës së tij, tregon kush janë sulmuesit – rasti konfirmohet edhe nga Policia (VIDEO)