U nis si zakonisht për ta dërguar vajzën e tij në kopsht, por mëngjesin e sotëm vushtrrias Liridon Osmani me të arritur para çerdhes u rrah brutalisht nga dy persona të maskuar.
Lajmin e rrahjes së rëndë e ka konfirmuar për Veriu.info edhe zëdhënësi i Policisë së Kosovës për rajonin e Mitrovicës, Avni Zahiti.
“Rreth orës 08:56 është raportuar se në rrugën “Jeton Terstena” ne Vushtrri, vikmtima M/K/Sh ishte sulmuar fizikisht nga dy persona të dyshuar të cilët ishin larguar ne drejtim te panjohur. Viktima është dërguar për tretman mjekësor. Hetuesit policor në koordinim me prokurorin e rastin kanë nisur hetimet për veprën penale “Lëndim i rëndë trupor”.” – deklaroi Zahiti për Veriu.info.
Vet personi i dëmtuar ka deklaruar se ai është kërcënuar disa herë, dhe së paku tre herë ka njoftuar rastin në polici, por nuk është ndërmarrë ndonjë veprim.
Ai rrëfen se rasti lidhet me një tokë të cilën ky thotë se e ka blerë para 3 vitesh, por që vazhdimisht është kërcënuar dhe sot rrahur brutalisht.
Veriu.info mëson se Osmani ka marrë lëndime të rënda në kokë, qafë dhe frakturë në këmbë.
