Kylian Mbappe e ka cilësuar si të merituar triumfin e bashkëkombësit të tij franceze, Ousmane Dembele, në garën për Topin e Artë 2025.
Dembele arriti të kurorëzojë një sezon brilant individual duke fituar edhe Topin e Artë, pasi mposhti në një garë talentin e Barcelonës, Lamine Yamal.
Pas triumfit të tij pati reagime të shumta nga spektri futbollistik, ku shumica uruan sulmuesin anësor të Paris Saint-Germain.
Nuk mungoi as urimi i madh i Mbappes për shokun e tij të ekipit kombëtar.
“Ousmane Dembele. Ka të bëjë me emocionet, vëlla. E merituar 100 herë”, shkroi ylli francez i Real Madridit në Instagramin e tij.
Ndryshe, Mbappe përfundoi i shtati në garën për Topin e Artë, pasi përveç Dembeles dhe Yamalit, para tij përfunduan edhe Raphinha, Mohamed Salah, Vitinha dhe Achraf Hakimi.
