I dërguari i posaçëm i presidentit amerikan Donald Trump, Steve Witkoff, dhe dhëndri i Trumpit, Jared Kushner, do të udhëtojnë këtë fundjavë në Egjipt për negociata mbi detajet e lirimit të pengjeve të rënë dakord nga Hamasi, si dhe për aspekte të tjera të planit të paqes, sipas dy zyrtarëve amerikanë.
Ndërkohë që Hamasi ka deklaruar se është i gatshëm të lirojë pengjet e mbetura, nuk ka dhënë mbështetje të plotë për elementët e tjerë të planit me 20 pika, shkruan CNN.
