Opinionisti Blerim Canaj, në programin special në kuadër të Maratonës Zgjedhore në Klan Kosova, tha se heqja e masave ndaj Kosovës, është një punë që ka nisur nga zero.
Canaj shton se nuk është marrë asnjë hap në drejtim të heqjes së këtyre sanksioneve, transmeton Klankosova.tv.
“Ne nuk po shohim që ka ndodh diçka në këtë drejtim [heqjen e masave], për shkak se nuk ka ndodhur asgjë. Shumë e thjeshtë. Mendoj që për masat duhet tash një punë, thuaj që po fillojmë nga zero. Ne i kemi disa çështje që duhet t’i përmbushim, por duhet të kemi parasysh që në komunikimin ndërkombëtar na duhet një qeveri. Ajo është punë kryesisht e qeverisë dhe diplomacisë, diçka që ne kemi. Nuk pres që këto të qëndrojnë gjatë gjithë kohës, por nuk pres as të na hiqen me një klik”, tha Canaj.
Canaj shtoi se e sheh shumë të rëndësishme formimin e Qeverisë në rrugën për heqjen e sanksioneve të BE-së ndaj Kosovës.
